व्यास नगरपालिकाक नगर प्रमुख बैकुन्ठ नेउपानेक अध्यछ्यतायाँ आजु बस्ल बैठकेइँ केहि दिन अगाडि सार्वजनिक भइल आपत्तिजनक अडियो बारे थप कारवाहि कर्ल बाटइ ।
फोहोर मइला व्यवस्थापनक लागि जग्गा खरिद प्रकरनयाँ संलग्न व्यास न.पा.क कर्मचारिहरूक बातचितक आपत्तिजनक अडियो रेकर्डिङ बाहिरिनेपार एक साता अगाडि व्यास नगरपालिकाइँ ४ कर्मचारिहरूके स्पस्टिकरन मागिकुन निलम्बन कार्ल रहि।
उसे घटनायाँ मुछिल चालक कुसेस्वर गुरुङेइँ घटनायाँ संलग्नता भइल स्विकार कर्थिन माफि माग्ल भइते सचेत कारिकुन् उख्र निलम्बन फुकुवा कार्लबाटइ। तर, अरू तिन जेना कर्मचारीहरू कुमार कन्चन जि.सि, प्रमोद सोति र क्रिस्नराज घिमिरेइँ एक्टाइ खाले भासायाँ हस्तलिखित स्पस्टिकरनयाँ घटनाके अस्विकार करिन् अरू छानविनक माग कर्ल नगरपालिकामाटे आजु निस्काहाल विग्यप्तियाँ जानाहाल बाटइ ।
उसे बइठकेइँ एकइ ठाउँयाँ बस्लाहार कर्मचारिहरूबिच फरक फरक स्पस्टिकरन पेस भइल भइते फृेरि स्पस्टिकरन मागिकुन् राजनइतिक दल, नागरिक समाजक भावनाके कदर कर्तिहिन कानुन बमोजिम कारवाहि आघु बाढाइके प्रमुख प्रसासकिय अधिक्रितके निर्देसन देहेल बाटइ ।
Darai 
Nepali