व्यास नगरपालिकाइँ छात्‌रव्‌रित्तिक लागि निवेदन माग्ल

व्यास नगरपालिकाइँ मिति २०८१ साल फाल्गुन १० गते एक सूचना प्रकासन कारिकुन छात्‌रव्‌रित्तिका लागि निवेदन माग्ल बाटइ। व्यास नगरपालिकाक आ.व. २०८१/८२ क स्विक्‌रित कार्‌यक्‌रम अन्तर्‌गत अध्ययन/अनुसन्धान/छात्‌रव्‌रित्ति तथा दलित विद्यार्‌थि छात्‌रव्‌रित्ति सहयोग कार्‌यक्‌रम कार्‌यान्वयन कर्‌लाहार उद्देस्यइँ छात्‌रव्‌रित्तिक लागि आवेदन खुलाहाल हो।

सामुदायिक विद्यालय वा क्याम्पसहरूयाँ भर्‌ना भइकुन पढिरहल जेहेन्दार, विपन्न, दलित, पिछडिल छ्येत्‌र वा दुर्‌गम छ्येत्‌रक बालबालिका, अल्पसङ्ख्यक वा अपाङ्ग, आदिवासि जनजाति तथा सहिद परिवार वा जनआन्दोलनक घाइते वा बेपत्ता परिवारक सन्तान विद्यार्‌थिहरूइँ आवेदन दिके सक्थात्।

छात्रवृत्तिक लागि निवेदन व्यास नगरपालिकाइँ तोक्ल ढाँचायाँ दिहिके परित् । निवेदन देलाहार अन्तिम मिति २०८१ साल चैत् १० गतेसम्म तोक्ल बाटइ।

चाहिलाहार कागजातहरू:

1. पढिरहल विद्यालयक जेहेन्दार र नियमित अध्ययन करिरहल बाटइ कहिन खुालाहाल सिफारिस पत्‌र
2. आघुल्ल कछ्याक ग्‌रेडसिटक प्‌रतिलिपि
3. व्यास नगरपालिकायाँ स्थायि बसोबास भइल प्‌रमान
4. जन्मदर्‌ता तथा अभिभावकक नागरिकता प्‌रमानपत्‌रक फोटोकपि
5. आर्‌थिक रूपयाँ विपन्न भइल तथा छात्‌रव्‌रित्तिक समुहसमेत खुल्लाहार करिकुन ओडा कार्‌यालयक सिफारिस ।
6. अपाङ्गता परिचय पत्र (अपाङ्ग विद्यार्थिहरूक हकयाँ)

यस्न निवेदनहरू विद्यालयहरूइँ संकलन करिकुन व्यास नगरपालिका, सिछ्या तथा सामाजिक विकास साखायाँ पेस करिके परित्।

निवेदनक लागि तोक्ल ढाँचा इछि देहेल बाटइः