आजु थप नेपालिहरूके नेपाल फर्काथिन् बाटइ अमेरिका
अमेरिका सरकारेइँ ट्रम्प प्रसासनक दोस्रो कार्यकाल सुरु भइनेपार, अबइध रूपयाँ अमेरिकायाँ बसोबास करिरहल नेपालिहरूक विरुद्ध कडा कदम चाल्ल बाटइ । फेब्रअरी महिनायाँ २३ जना नेपालिके अमेरिका सरकारेइँ नेपाल फर्काहाल रहिक्।
यस्नइ करिकुन, मार्च ५, २०२५ याँ थप १० जेना नेपालिके नेपाल फर्काहाल बाटइ। इसेसिहत, अमेरिकाइँ नेपाल फर्काहाल नेपालिहरूक संख्या ३८ पुग्ल बाटइ ।
ट्रम्प प्रसासनेइँ आप्रवासन नितिहरूके कडा बानाथिन, अबइध आप्रवासिहरूक विरुद्ध कारबाहिके तिव्र बानाहाल बाटइ। इसे अन्तर्गत, असल आप्रवासि इतिहास नइजेभइल, छोटो समयक लागि अमेरिका जइल, र उपयुक्त सरनार्थी प्रमान देखाइके नासक्लाहार मानुसहरूके लछ्यित कर्ल बाटइ ।
इघाइँ नेपालि समुदायके पनि असर करल बाटइ, जने कर्तेखेना धेरइ नेपालि मानुसहरूके नेपाल फर्किके पर्ल बाटइ।
अमेरिका सरकारेइँ केन्या, नेपाल, र अन्य अफ्रिकि तथा एसिया देसक आप्रवासीहरूके पानामा पाठालाहार निति पनि अपनाहाल बाटइ, जनइँ पानामासाङक कूटनितिक सम्झउतायाँ आधारित बाटइ।
इघाइँ आप्रवासिहरूक पुनर्वास र तेस्रो मुलुकयाँ बसोबासक चुनउति थप जटिल बानाहाल बाटइ। ट्रम्प प्रससनक कडा आप्रवासन नितिक कारन, नेपालि आप्रवासि समुदाययाँ चिन्ता र अनिस्चितता बढ्ल बाटइ। नेपाल फर्कहल मानुसहरूक लागि पुनर्स्थापनाक प्रक्रिया र चुनउतिहरू थप गम्भिर भइल बाटइ ।
Darai 
Nepali