युगान्डाक एन्तेबे क्रिकेट ओभलयाँ भइल महिला टि-२० अन्तर्रास्ट्रिय स्रिङ्खलायाँ नेपालेइँ रोमान्चक जित दर्ता कर्थिन युगान्डाके १ विकेटेइँ जित्ल बाटइ।
नेपालेइँ टस जितिकुन फिल्डिङ रोज्नेपार युगान्डाइँ निर्धारित २० ओभरयँ ७ विकेट गुमाथिन् ७६ रनक लछ्य देहेल । नेपालक लागि उत्क्रिस्ट बलिङ कर्थिन पुजा महतोइँ ४ ओभरयाँ मात्र १४ रन खर्च करिकुन ३ विकेट लेहेल।
जवाफि व्याटिङयाँ, नेपालेइँ १९.५ ओभरयाँ ९ विकेट गुमाथिन् लछ्य पुरा कर्ल। नेपालक सना प्रविनेइँ टिमक लागि सबइ कहते धेरइ १७ रन बानाहालि, ज्रनयाँ ३५ बलयाँ १ चउका समेत रहि।
नेपालक जितसाङ टोलिइँ प्रतियोगितायाँ महत्वपुर्न अंक जोड्ल बाटइ। आए भइलाहार खेलयाँ पनि उत्क्रिस्ट खेलालाहार लछ्यसहित नेपालि टोलि अगाडि बढ्लाहार बाटइ ।
Darai 
Nepali