बिना लाइसेन्स सवारि चालाहाने १० हजारसम्म जरिवाना, नं.प्लेट नाभइने ५ वर्स कइद ।
नेपाल सरकारेइँ सवारि साधन सन्चालन सम्बन्धि कानुनि कारबाहीके कडाइ कार्ल बाटइ। आबेसइँ बिना लाइसेन्स सवारि चालालाहार मानुसके २ हजार सइँ १० हजार रुपे सम्मन् जरिवाना कर्लाहार भइल बाटइ। सवारि साधनयाँ नम्बर प्लेट नइजे भइल अवस्थायाँ ५ वर्स सम्मन् कइद सजाय भइके सक्लाहार व्यवस्था कर्ल बाटइ ।
सार्वजनिक सुरछ्या तथा यातायात नियमहरूक पालना काराइके सरकारेइँ यस्न निर्नय लागु कार्ल हो। पाछुल्ल समय बिना दर्ता तथा नम्बर प्लेटबिनक सवारि साधनहरूक संख्या बढ्तेहिन जइल र इघाइँ ट्राफिक व्यवस्थापनयाँ समस्या आन्ल भइतेखेना सरकारेइँ इसे कठोर कदम चाल्ल हो।
यातायात व्यवस्था विभागक अनुसार, सवारि नियम उल्लंघन कर्लाहार उपर आबेसइँ थप निगरानि राख्थात्। ट्राफिक प्रहरिइँ नियमित चेकजाँच बढाइके तथा अनुगमन प्रनालीके डिजिटल बानालाहार योजना बानाहाल बाटइ।
सरकारक इसे निर्नयइँ यातायात सुरछ्यायाँ सुधार आन्लाहार तथा अबइध रूपयाँ चालाइरहल सवारि साधनके कानुनक दायरायाँ आन्लाहार विस्वास भइल बाटइ ।
Darai 
Nepali